Það þýðir nú lítið að ætla að halda uppi bloggsíðu yfir sumarmánuðina... enda fólk önnum kafið við að sleikja sólina, dansa í rigningunni eða fjúka með vindinum. Sumarið er  tíminn þegar hjartað verður grænt og augun þín verða himinblá - ójá. En jæja, nú er ég allavega komin heim og bara beint inn í þetta líka fína helgarfrí eftir ægilega góða ferð til Búlgaríu. Í Búlgaríu áttum við hópurinn (9 útskriftarnemar og 2 makar og 1 ekki maki) góða viku sem var auðvitað nýtt alveg til fulls, en það má segja að maður hafi upplifað endalausar nætur - sofið lítið sem ekkert og skemmt sér miiiikið. Það sem við sáum af Búlgaríu var nú aðallega okkar svæði - Golden Sands, en svo fórum við til Varna einn daginn og ráfuðum um göngugötur í leit að einhverju eigulegu til að festa kaup á... Við Birna skelltum okkur í einskonar kauphlaup - já já það þýðir ekkert að vera að máta eða hugsa sig tvisvar um í svona ferðum, bara hlaupa og kaupa! Svo skoðuðum við nokkur Dómkirkjuna í Varna. Einn dagurinn var tekinn í vatnsrennibrautagarði og var það ekkert nema frábær skemmtun. Kvöldin okkar fóru svo oftast í eitthvað pöbbarölt, en Amfora, Dolphin og Bonkers eru þeir staðir sem standa upp úr að mínu mati.
Fólkið þarna úti er ógnvænlegt. Það eru pissulöggur í hverju sundi og hórur á hverju horni, kiralískt letur er notað og maður kinkar kolli þegar maður er ósammála en hristir þegar maður er sammála. Skrítið það. Það má ekki henda rusli á jörðina og alls ekki pissa úti - þá birtist hópur pissulögga og heimtar pening eða hótar að fara með þig í fangelsið. Taxarnir eru ógeð og oftar en ekki taxar... Já, maður er hvergi óhultur og má aaaldrei vera aleinn. Þá getur maður barasta horfið. (Bara svona vara fólk við sem á eftir að fara kannski ;) Óg já, Iglika er ekki gott hótel. :P En hvað um það, ég skemmti mér konunglega ójá! Þetta var alveg frábært og þakka ég bara ferðafélögum mínum öllum hér með fyrir svaðalega góða ferð - en maður komst ekki í það að þakka öllum í Leifsstöð, þar sem það tók fólk mislangan tíma að komast í gegn um tollinn ;)
Þessa helgina er ég búin að vera mest uppi í Lóni með Sigrúnu Ingu og Steina sem er náttúrulega bara best í heimi! Búin að labba alveg lengst inn í einhvern dag, grilla og liggja í sólbaði. Svo er ég búin að rúnta með Jóhönnu, fórum allaleið út á Jökulsárlón á laugardagskveldið - flottar á því! Og ég er búin að hitta Rósu, Sigurborgu og Guðjón... já já já bara nóg að gera.
Jæja lömbin mín, þá segi ég þetta bara gott í bili, vona nú að einhver sjái sér fært um að lesa þetta.... Engin mynd fylgir í þetta skiptið - en hver veit nema einhverjar útvaldar birtist síðar.
Bæjó ;)

Laugardagurinn 13. maí 2006.

Var að vinna. Stökk út í laug og bjargaði barni.

Mér líður vel.

Mig langar í nammi!!! Mig langar í bragðaref!!! Arrggh hvað það er erfitt að vera í nammibanni og ísbanni (good God!!), en ég hef núna náð að standast freistinguna, dagarnir líða og þetta venst. Nú er setu minni í FAS lokið, ekki formlega svosem, en síðasta prófið mitt var eiginlega í morgun... á samt dönskuprófið frá Ármúla eftir, stefni á það á föstudaginn held ég bara. Ég held að þetta sé bara allt að ganga þokkalega :) Á fimmtudaginn höfum við Birna hugsað að gera okkur glaðan dag og skreppa í Hólm og kíkja á lömbin. Það er náttúrulega ekkert nema nauðsynlegt. Veðrið er frábært í Hornafirðinum um þessar mundir, ég er alltaf í sundi! ...og úti í garði með dönskubók við hönd. Svo erum við Rósa líka búnar að vera hörku duglegar og fara út að labba eða skokka síðustu daga, Mjöll trúlega ánægð með það. Í gær fór ég líka með Mjöll í hjólatúr, ánægð með stelpuna, hún hljóp svo stillt með ;) Nú er útskriftarhúfan komin í hús og ég stóðst nú ekki mátið áðan og skellti mér í allan búninginn ;) Verst að maður verður komin með heavy bikinifar :/ Fínt við kjólinn ehe... Já, já þetta er allt að gerast og ég held bara áfram að telja niður:

11 dagar í útskrift og 16 í Búlgaríu! Getur það verið???

Þá eru prófin skollin á... hvur skollinn! Var í eðlisfræðiprófi á fimmtudaginn, fer í tölfræði á morgun og sögu á hinn... og dönskuprófið tek ég svo bara þegar ég vil ;)

Það er bara búið að vera sól og blíða þessa dagana... ekki mjög gott með próflestrinum, en í gær sat ég svosem úti á stétt og las og las. Ég er bara búin að vera ein heima, sem er afar fínt bara, sérstaklega þegar maður þarf að læra mikið og er leiðinlegur. Talandi um að vera leiðinlegur þá ætla ég hér með að segja eitt sorry við alla þá sem ég og Birna vöktum ekki klukkan 2 á föstudaginn þegar við duttum allt í einu inn á ball. Vona að enginn hafi farið í varanlega fýlu... en  Æ við vorum bara á Kjeffi Horninu og fengum okkur kakó og appelsín, vorum eitthvað að rúnta og kíktum svo á ball á Víkinni... bara af því við fengum nú frítt inn ;) Það má segja að þetta hafi verið ódýrt kvöld með eindæmum og Spútnik ekki að gera góða hluti. Svona var nú það já. Í gær var ég bara að sleikja sólina, læra og svoleiðis og ætla að halda því áfram núna.

Bara verið að ná sér í smá tan???

-18 dagar í Búlgaríu! ;)

Tjuss :P

Run
Running all the time
Running to the future
With you right by my side

Me
I'm the one you chose
Out of all the people
You wanted me the most
I'm so sorry that I'm falling
Help me up lets keep on running
Don't let me fall out of love

Chorus:
Running, running
As fast as we can
I really hope you make it
(Do you think we'll make it?)
We're running
Keep holding my hand
It's so we don't get separated

Be
Be the one I need
Be the one I trust most
Don't stop inspiring me
Sometimes it's hard to keep on running
We work so much to keep it going
Don't make me want to give up

Repeat chorus twice

Ó díó... ég var að dimmitera í gær. Störtuðum góðum degi í teiti hjá Þóru Björgu klukkan 08:00 og klæddum okkur upp. Héldum svo upp í skóla í víkingaklæðunum með sverð og læti eftir að hafa drukkið morgunkaffi saman  - svokallað sólarkaffi, en gula glennan á himninum var alls ekki að spara sig þennan fallega dag. Við krýndum kennarana sem krupu á kné til riddara hvern á fætur öðrum og hlaut hver þeirra hina skemmtilegustu nafnbót. Svo löbbuðum við rúnthringinn, kíktum á Berta bæjó og til sýsla og svona... og prófuðum auðvitað allar lyfturnar í bænum á þessu flakki okkar! Í fararbroddi var kona ökukennarans, Ingibjörg, en hún keyrði eins og herforingi með hasarljósin á og flautaði á 5 sek. fresti. Bíllinn hennar var einmitt birgðastöð flokksins, en eftir því sem sól hækkaði á lofti fengu fleiri flíkur að fjúka og þá var ekki slæmt að hafa svala í farteskinu. Við fórum í “hlaupa í skarðið” á litlu umferðareyjunni okkar við gatnamótin Hafnarbraut/Víkurbraut og skemmtum okkur konunglega. Um hádegisbil vorum við orðin ansi skrautleg og tókum þá rúntinn á traktorskerru (traktorinn sjálfur var af gerðinni Zetor). Þar var spilað á gítar og sungið hástöfum. Svei mér ef hitinn úti hafi ekki eitthvað skekkt tímaskyn mitt, en ég held samt að bakaríið hafi örugglega verið næsti áfangastaður. Þar fengum við okkur sæti og höguðum okkur mjög vel í smá stund. Síðan vorum við komin út á Sparkvöll og farin í fótbolta – nánar tiltekið í úrslit allir á móti öllum og ég vann!!! :) Einar Smári var að gera góða hluti í markinu hehe og mátti ósjaldan heyra hann segja: “skjóttu kvikindinu” haha. Núh, við fórum svo í siglingu með Lóðsinum um klukkan tvö... en rétt áður en við stukkum um borð arkaði ég út á Hafnarbúð og keypti ís í brauði sem ég tróð í andlitið á mér og Eddu, gott ef Ingi fékk ekki smá slurk framan í sig líka. Það var fínt á sjónum, fórum eitthvað út fyrir Ós og urðum hundvot. Að siglingu lokinni var dagskráin búin – hlé fram á hálf 8. Þá hafði enginn neitt að gera en ég fór í smá “gettúgeðer” hjá Eddu sem samanstóð af henni, mér og Inga. Já já svo strunsaði maður heim og tók sig til, svo vorum við þarna 3-sommið samferða á Kaffihornið þar sem prúðbúnir kennarar og nemendur snæddu saman þriggja rétta máltíð og töluðu um gáfulega hluti. Við 16 sem vorum búin að vera úti allan daginn vorum eins og þvottabirnir í framan... eða pandabirnir eða hvað þetta nú heitir... svolítið steikt og brunnin eftir sólina sko með hringi í kringum augun og rauðar kinnar. Ég er einmitt með falleg hvít krossbönd á bakinu eftir böndin á víkingabúningnum. Á Kjeffi horninu komst ég enn og aftur að því hvað heimurinn er lítill, en María systir Valgerðar Hönnu kom mér á snoðir um það! (vona að þetta háfleyga orðatiltæki sé rétt, en ég er mjög góð í að klúðra svona orðatiltækjum!) Já, já fólk sletti svo úr klaufunum þarna fram á nótt. Ekki veit ég nú hvenær seinustu orkuboltarnir fóru heim, en ég entist allavega ekki fram á morgunn.

Krummi krunkaði úti og hélt fyrir mér vöku um stund, sem og sitthvað fleira. En ég var allavega löngu vöknuð þegar ég átti að fara að vinna en vissi ekki þá hvað þessi vinnudagur sem ég var að enda við að enda átti eftir að bera í skauti sér. Nei, nei, kóramót á Höfn. Tæplega 400 krakkar og allir í sund!!! Þau byrjuðu að hópast í laugina klukkan 12 (einmitt þegar ég var nýkomin)og þurftum við að hafa opið til 7 og þá tóku auðvitað stórþrifin við. Hún Nanna var nú svo góð að vinna fyrir mig frá 10-12 sko... annars hefði ég farið niður í kjallarann og dáið klukkan 5! Ég er mjög hrædd við að mæta dauðanum niðri í sundlaugarkjallaranum, því hann er viðurstyggilegasti staður sem ég hef komið á!

Já svo ég var bara í henglum og á bömmer í dag, but I'll blame it on the sun (vitna í texta Emiliönu Torrini) sem skein svo skært í gær. Varðandi henglana... þá er ég bara með vöðvabólgu og ætla að fá múttu til að hnoða bakið á mér eins og leir á eftir!!!

Bömmerinn.... ah það kemur fyrir besta fólk og okkur hin líka.

Hendi nokkrum myndum inn á þetta kvikindi.

Gangan mikla árla morguns.

Jolli og Tjörvi krýndir - Skúlhedmaster og ofursjarmör.

Já, lyftan var sko að lokast!

Blómabörnin með sólskinið í augunum

Gott dæmi um þvottabjörn á sólríkum degi :)